Yeni Nəsil İqtisadiyyat: Çağırışlar və Perspektivlər - 2-ci Beynəlxalq Konfrans

📍 Məkan: İqtisadi Elmi Tədqiqat İnstitutu, AZ1122, Həsən bəy Zərdabi prospekti 196, Yasamal rayonu, Bakı, Azərbaycan

Konfrans Təqvimi

Abstraktların qəbulunun son tarixi: 10 oktyabr 2026

Məqalələrin qəbulunun son tarixi: 20 oktyabr 2026

Konfrans materiallarının dərc olunması: 30 oktyabr 2026

Konfransın keçiriləcəyi tarix: 16 oktyabr 2026

Haqqımızda

XXI əsrin üçüncü onilliyində dünya iqtisadiyyatı fundamental struktur transformasiyası mərhələsinə daxil olmuşdur. Texnoloji innovasiyaların sürətli inkişafı, rəqəmsallaşma, süni intellektin iqtisadi proseslərə inteqrasiyası, yaşıl transformasiya, əmək bazarında yeni münasibətlərin formalaşması, demoqrafik dəyişikliklər və geosiyasi qeyri-müəyyənliklər ənənəvi iqtisadi inkişaf modellərinin yenidən nəzərdən keçirilməsini zəruri edir. Bu dəyişikliklər yalnız ayrı-ayrı iqtisadi sektorların deyil, bütövlükdə dövlət, biznes, elm və cəmiyyət arasında qarşılıqlı münasibətlərin transformasiyasına səbəb olur.

Bu kontekstdə “Yeni Nəsil İqtisadiyyat: Çağırışlar və Perspektivlər” 2-ci Beynəlxalq Konfransı müasir iqtisadi transformasiyaların elmi və praktiki aspektlərinin müzakirəsi üçün beynəlxalq platforma yaratmağı qarşıya məqsəd qoyur. Konfrans alimləri, tədqiqatçıları, dövlət qurumlarının nümayəndələrini, siyasətçiləri, beynəlxalq təşkilatları, biznes və texnologiya şirkətlərini, ali təhsil müəssisələrini və digər maraqlı tərəfləri bir araya gətirməklə yeni nəsil iqtisadiyyatın formalaşması istiqamətində elmi dialoqun və beynəlxalq əməkdaşlığın inkişafına töhfə verməyi hədəfləyir.

Konfransda iştirak ödənişsizdir.
Konfransda iştirak əyani formada mümkündür.
Konfransın dili: Azərbaycan və İngilis dilləri

Əsas Tematik İstiqamətlər

I. Rəqəmsal iqtisadiyyat və texnoloji transformasiya
II. İnnovasiya, elm və insan kapitalı
III. Yaşıl iqtisadiyyat və dayanıqlı inkişaf
IV. Əmək bazarının transformasiyası
V. Makroiqtisadi siyasət və iqtisadi dayanıqlılıq
VI. İnvestisiya, maliyyə və sahibkarlıq
VII. Ticarət, qlobal iqtisadiyyat və regional əməkdaşlıq
VIII. Regional inkişaf və ərazi iqtisadiyyatı
IX. Sosial siyasət və inklüziv iqtisadi inkişaf
X. İnstitusional inkişaf və iqtisadi idarəetmə

Hədəf Auditoriya

alim və tədqiqatçılar
professor-müəllim heyəti
doktorant və magistrantlar
dövlət qurumlarının nümayəndələri
beynəlxalq təşkilatlar
iqtisadi siyasət və analitika mütəxəssisləri
özəl sektor və biznes nümayəndələri
maliyyə institutları
texnologiya və innovasiya şirkətləri
startap və sahibkarlıq ekosisteminin nümayəndələri
beyin mərkəzləri və tədqiqat institutları
tələbələr və gənc tədqiqatçılar

Məqalələr üçün Tələblər

Tam Mətn Yazı Qaydaları

Məqalə üzrə oxşarlıq səviyyəsi 30%-dən yuxarı olan işlər qəbul edilmir.

Kənar boşluqlar: 2.5 sm
Şrift: Times New Roman, 12 pt
Sətirarası interval: 1.00
BAŞLIQ: Tam böyük hərflərlə
Alt başlıq: Kiçik hərflərlə
Səhifə sayı: Minimum 5 səhifə, maksimum 25 səhifə
İstinad formatı: APA 6 standartına uyğun olmalıdır.

Tam mətnlərdə aşağıdakı bölmələr ayrıca başlıqlar altında təqdim olunmalıdır: XÜLASƏ, GİRİŞ, MATERİALLAR VƏ METODLAR, NƏTİCƏLƏR VƏ MÜZAKİRƏ, NƏTİCƏ VƏ TÖVSİYƏLƏR, ƏDƏBİYYAT

Məqalədə bütün müəlliflərin adı, soyadı, iş yeri, ixtisas sahəsi, şəhər, ölkə, e-mail ünvanı, mobil telefon nömrəsi və məcburi ORCID nömrəsi göstərilməlidir.

Konfransın Sədrləri

Prof. Rakshanda Fazli

Qərbi Asiya və Şimali Afrika Tədqiqatları Departamentinin müdiri, Aliqarh Müsəlman Universiteti, Hindistan